سیمینارى شیكردنه‌وه‌ى "رێنماییه‌كانى ره‌فتارى وه‌زیفى" به‌رێوه‌چوو

benadryl and pregnancy category

benadryl and pregnancy cleft palate go

ئه‌مڕۆ یه‌كشه‌ممه‌ 19ى شووباتى ساڵى 2017 له‌ هۆڵى كۆنفرانسه‌كانى ده‌سته‌ى ده‌سپاكى هه‌رێمى كوردستان به‌ ئاماده‌بوونى د.ئه‌حمه‌د ئه‌نوه‌ر سه‌رۆكى ده‌سته‌ى ده‌سپاكى هه‌رێمى كوردستان و به‌رێوه‌به‌رى گشتى سه‌رجه‌م وه‌زاره‌ت و دامه‌زراوه‌كانى كوردستان سیمینارێك له‌باره‌ى رێنماییه‌كانى "ره‌فتارى وه‌زیفى" به‌رێوه‌چوو.

رێنماییه‌كانى "ره‌فتارى وه‌زیفى" له‌لایه‌ن ده‌سته‌ى ده‌سپاكى هه‌رێمى كوردستان وه‌ك رێنمایى بۆ سه‌رجه‌م وه‌زاره‌ت و دامه‌زراوه‌كانى كوردستان ئاماده‌كراوه‌ و بریاره‌ له‌داهاتوودا به‌میكانیزمێكى دیارى كراو بۆ جێبه‌جێ كردنى دابه‌ش بكرێ .

له‌میانى به‌رێوه‌چوونى مه‌راسیمه‌كه‌دا، د.ئه‌حمه‌د ئه‌نوه‌ر سه‌رۆكى ده‌سته‌ى ده‌سپاكى هه‌رێمى كوردستان وتارێكى پێشكه‌شكردوو رایگه‌یاند، رێنمایى ره‌فتارى وه‌زیفى له‌رۆژنامه‌ى وه‌قایعى كوردستان بڵاوكراوه‌ته‌وه‌ و له‌داهاتوودا سه‌رجه‌م وه‌زاره‌ته‌كان پێویسته‌ به‌و رێنمایانه‌وه‌ پابه‌ند بن و بۆ هه‌ر فه‌رمانبه‌رێك دۆسێیه‌كى تایبه‌ت له‌وباره‌یه‌وه‌ بكرێته‌وه‌ .

سه‌رۆكى ده‌سته‌ى ده‌سپاكى هه‌رێمى كوردستان وتى، سیسمینار و روونكردنه‌وه‌كان له‌باره‌ى ره‌فتارى وه‌زیفى زیاتر ده‌بن و دواتر له‌ڕێگه‌ى چاپكردن له‌سه‌ر دامه‌زراوه‌كان دابه‌شده‌كرێت .

له‌به‌شێكى ترى قسه‌كانیدا د.ئه‌حمه‌د ئه‌نوه‌ر داواى له‌میدیاكان كرد هاوكارى بڵاوكردنه‌وه‌ى رێنماییه‌كانى خۆپارێزى بكه‌ن و وتى، به‌شێك له‌میدیاكان پێیان وایه‌ ته‌نیا بڵاوكردنه‌وه‌ى كه‌یس و لێكۆڵینه‌وه‌ كاره‌كانى ده‌سپاكییه‌، به‌ڵام له‌كاتێكدا خۆپارێزى گرنگه‌ و خزمه‌ت به‌ باشتركردنى كارى دام و ده‌زگاكانى حكومه‌ت ده‌كات و ژینگه‌یه‌كى ته‌ندروست دروست ده‌كات و ده‌بێته‌ هۆى كه‌مكردنه‌وه‌ى گه‌نده‌ڵى.

هه‌ر له‌میانى به‌رێوه‌چوونى ئه‌و مه‌راسیمه‌دا د.ئه‌حمه‌د ئه‌نوه‌ر ئاماژه‌ى دا، جێبه‌جێ كردنى ئه‌و رێنماییه‌ گرنگى تایبه‌تى خۆی هه‌یه‌ بۆیه‌ نامانه‌وێت ته‌نیا به‌نوسراوى بمێنێته‌وه‌ و پێویسته‌ جێبه‌جێ بكرێت، چونكه‌ ده‌یان یاسا و رێنمایى گرنگ له‌هه‌رێمى كوردستاندا هه‌یه‌، به‌ڵام جێبه‌جێ نه‌كراون وه‌ك پێویست.

.ده‌توانن ده‌قى رێنماییه‌كانى ره‌فتارى وه‌زیفى له‌ماڵپه‌رى فه‌رمى ده‌سته‌ى ده‌سپاكى هه‌رێمى كوردستان بخوێننه‌وه 
س.ه


به‌دڵمه‌
به‌دڵم نييه‌