ده‌رباره‌ی ئه‌جێندای کاری هاوبه‌ش UNDP كۆبوونه‌وه‌ى ده‌سته‌ى ده‌سپاكى و

راوێژکاری بواری بەرەنگاربوونەوەی گەندەڵی ئۆفیسی عەممانی پرۆگرامی گەشەپێدانی نەتەوە یەکگرتووەکان UNDP لەسەر بەرنامەو ئەجێندای کاری هاوبەش لەگەڵ دەستەی دەسپاکی کۆبووەوە.

کاتژمێر ١:٣٠ ی نیوەرۆی رۆژی چوارشەممە ٢٠/١١/٢٠١٩ بەرێز ئەنوەر بن خەلیفە راوێژکاری بواری بەرەنگاربوونەوەی گەندەڵی ئۆفیسی عەممانی پرۆگرامی گەشەپێدانی نەتەوە یەکگرتووەکان UNDP دووەم کۆبوونەوەی خۆی لەگەڵ دەستەی دەسپاکی هەرێمی کوردستان سازکرد.

 لەو کۆبوونەوەیە کە هەریەکە لە بەرێزان د.احمد انور سەرۆکی دەستەو د.عدنان عبداللە   بەڕێوەبەری گشتی فەرمانگەی خۆپاراستن و شەفافیەت و سەوسەن محمد بەرێوەبەری ئەکادیمیایی دەسپاکی و هاژە عمر بەرێوەبەری نوسینگەی سەرۆکی دەستە و دارەوان نورالدین بەرپرسی بەشی پەیوەندی لەگەڵ رێکخراوە ناحکومیەکان لەگەڵ شاندی میوان باسیان لە میکانیزم و ئەجێندای کاری هاوبەشی نێوان دەستەی دەسپاکی و هاوکاری UNDP کرد بۆ بەرەنگاربوونەوەی گەندەڵی.

لەنزیکەوە سەرۆکی دەستەو بەرێوەبەری گشتی فەرمانگەی خۆپاراستن و شەفافیەت باسیان لەو بەربەست و پێداویستیانە کرد کە دەستەی دەسپاکی کاری لەسەر کردووە لە پێناو نەهێشتنیان، هەروەک دەکرێ بە هەماهەنگی رێکخراویUNDP کارئاسانی بۆ هەندێ لەو پێویستیانە بکرێ، وەکو راهێنان و مەشق پێکردنی لێکۆڵەرانی یاسایی دەستە بە ئەزموونی تازەو سەردەمیانە، هەروەها بواری هۆشیاری دژە گەندەڵیش یەکێکی تر دەبێ لە ئەجێندای کاری هاوبەشی نێوانیان.

 

 

 

 

 

 

 

 

 
 

به‌دڵمه‌
1
به‌دڵم نييه‌
Cannes Escort