بۆ/ دەزگاکانی ڕاگەیاندن : بابەت / ڕوونکردنەوەیەك لە فەرمانگەی یاسایی دەستەی دەسپاکی هەرێمی کوردستانەوە

      بابەتێك لە ڕۆژنامەی ئاوێنە بڵاو کراوەتەوە دەربارەی سکاڵای پەرلەمانتار (علی حمەصالح) لەسەر هەر یەك لە سەرۆکی حکوومەت و جێگرەکەی و وەزیرانی پلاندانان و دارایی و پارێزگاری سلێمانی دەربارەی دیار نەمانی پارەی گەشە پێدانی پارێزگای سلێمانی بۆ ساڵانی (٢٠١٢- ٢٠١٣) لەبەر ئەوەی ئێستا ئەم کەیسە لە ژێر لێکۆڵینەوەیە و بڕیاری بنبڕی وەرنەگیراوە ناتوانین باس لە ناوەڕۆکی کەیسەکە بکەین ئێستا لە دادگای پێداچوونەوەی هەرێمە .

 

 

 ١- ئەم کەیسە لە دەستەی دەسپاکی ڕێکاری یاسایی خۆی وەرگرتووە هەر وەکو لە ڕێنمایی ڕێکخستنی کاری لێکۆڵینەوەی دەستەی دەسپاکی هەرێم هاتووە لە گەیشتنی زانیاریەکان لە لایەن سکاڵاکار دواتر چۆتە قۆناغی هەواڵدەری لەم قۆناغە دۆکۆمێنت و ڕای شارەزا و لیژنەی چاودێری دارایی وەرگیراوە پێشکەش بە دادوەری دەسپاکی سلێمانی کراوە.

 ٢- دادوەری دەسپاکی دوای لێکۆڵینەوە لە دۆکۆمێنت و ئەو بەڵگانەی کە لەناو دۆسیەکە هەبووە بڕیاری خۆی داوە بە داخستنی کەیسەکە.

٣- لە ڕێگای داواکاری گشتی تانە لە بڕیارەکە دراوە لە دادگای تاوانی سلێمانی بە سیفەتی پێداچوونەوە کە مافێکی یاسایی خۆی بووە و دادگای تاوانیش بڕیارەکەی دادوەری لێکۆڵینەوەی ڕەت کردۆتەوە.

 ٤- نوێنەری تۆمەتبار کراو وەکو مافێکی یاسایی خۆی دەستوەردانی پێداچوونەوە (تدخل تمیزی) کردووە لە بڕیاری دادگای تاوانەکان ئێستا دۆسیەکە لە دادگای پێداچوونەوەی هەرێمەو کێشەکە کۆتایی نەهاتووە بڕیاری دادگای پێداچوونەوە یەکلایی دەکاتەوە .

بۆیە لە بری ئەوەی سکاڵا کار لە ڕۆژنامە و پەیجی خۆی بە خراپ باسی دادگای دەسپاکی سلێمانی بکات داوای لێ دەکەین سەردانی دەستە بکات و ڕاستیەکانی بۆ ڕوون بکرێتەوە ئینجا چاوەڕوانی دوا بڕیاری دادگای پێداچوونەوەی هەرێم دەکەین کە بڕیارێکی بنبڕە و دادگای دەسپاکی سلێمانی پابەند دەبێت پێ یەوە .

 

 

 
 

به‌دڵمه‌
به‌دڵم نييه‌